"Bavariya" hujumchisi Xarri Keyn musobaqada 60 ta gol urgan eng tez futbolchi bo‘lib, Germaniya Bundesligasi rekordini o‘rnatdi. Bunga erishish uchun 31 yoshli futbolchiga 60 ta uchrashuv kerak bo‘ldi.
Angliyalik forvard 65 o‘yinda 60 marta raqiblar darvozasini ishg‘ol qilgan "Borussiya Dortmund"ning sobiq hujumchisi Erling Xolandning yutug‘idan o‘zib ketdi.
Keyn Bundesliganing 30-turida “Xaydenxaym”ga qarshi o‘yinda (0:4) o‘zining 60-golini kiritdi.
Forvard 2023 yilning yozida “Tottenxem”dan “Bavariya”ga o‘tgan edi. Umuman olganda, bu davrda u barcha turnirlarda 88 ta uchrashuvda qatnashib, 80 ta gol urdi va 24 ta golli uzatmani amalga oshirdi.
