"Ливерпуль" ярим ҳимоячиси Алексис Макаллистер "Лестер" устидан қозонилган ғалабадан кейин (1:0) интервью берди.
Арне Слот жамоаси чемпионликка бир қадам қолди. "Тулкилар"га қарши баҳсда ягона гол Трент Александр-Арнолд томонидан киритилди: у 71-дақиқада захирадан майдонга тушди ва 76-дақиқада гол урди. Ўнг қанот ҳимоячиси жароҳати сабаб 11 мартдан бери майдонга тушмаётганди.
"Мен нафақат жамоа учун, балки шахсан Трент учун ҳам жуда хурсандман. У тез орада сафга қайтиш учун кўп меҳнат қилди ва бунинг учун мукофотланди. У бунга лойиқ эди. Учрашувнинг энг яхши футболчиси унвони? Мен бунга лойиқми ёки йўқлигини билмайман, лекин энг муҳими, биз ғалаба қозондик ва Трент гол урди", - деди Макаллистер.
