"Ливерпул"нинг ўнг қанот ҳимоячиси Трент Александер-Арнолд "Лестер"га қарши ўйинда захирадан майдонга тушганидан 5 дақиқа ўтиб (1:0) ғалаба голини киритди.
26 ёшли футболчи жароҳати сабаб бир ойдан кўпроқ вақт давомида сафдан чиққанди. У якшанба куни майдонга қайтиб, 71-дақиқада захирадан майдонга тушди ва 76-дақиқада гол урди. Жамоа бош мураббийи Арне Слот Трент ҳақида фикр билдирди.
"Трентнинг "Ливерпул"га содиқлигига шубҳа қилиш кулгили бўлади. Барча сарлавҳалар унинг мақсади ва йиллар давомида клубга берган ажойиб дақиқалари ҳақида бўлиши керак", - деди Слот.
Эслатиб ўтамиз, Александр-Арнолднинг шартномаси мавсум охирида якунига етади. Мавжуд маълумотларга кўра, футболчи аллақачон "Реал" билан келишувга эришган.
