Италия чемпионатида А Серия 33-туридан ўрин олган баҳсда "Милан" ўз майдонида "Аталанта"ни қабул қилди ва 0:1 ҳисобида мағлуб бўлди. Учрашув ҳақида бергамоликлар устози Жан Пьеро Гасперини ўз фикрларини билдириб ўтди. У ғалабага эришмоқ осон бўлмаганини айтди.
"Бу мен ўйлагандан ва биз тайёргарлик кўрганимиздан яхшироқ. Биз ҳар бир ўйинда ғалаба қозонишга умид қиламиз, аммо "Милан"га қарши ўйин ҳар доим ҳам осон эмас, олдинги ўйинда 4:0 ҳисобида ғалаба қозонган "Милан"га қарши эса - жуда қийин. Ва бу осон бўлмади," - дея Гасперинининг сўзларини келтиради pianetamilan.it.
"Аталанта" Италия чемпионати турнир жадвалида учинчи ўринни сақлаб турибди.
