Italiya chempionatida A Seriya 33-turidan o‘rin olgan bahsda "Milan" o‘z maydonida "Atalanta"ni qabul qildi va 0:1 hisobida mag‘lub bo‘ldi. Uchrashuv haqida bergamoliklar ustozi Jan Pyero Gasperini o‘z fikrlarini bildirib o‘tdi. U g‘alabaga erishmoq oson bo‘lmaganini aytdi.
"Bu men o‘ylagandan va biz tayyorgarlik ko‘rganimizdan yaxshiroq. Biz har bir o‘yinda g‘alaba qozonishga umid qilamiz, ammo "Milan"ga qarshi o‘yin har doim ham oson emas, oldingi o‘yinda 4:0 hisobida g‘alaba qozongan "Milan"ga qarshi esa - juda qiyin. Va bu oson bo‘lmadi," - deya Gasperinining so‘zlarini keltiradi pianetamilan.it.
"Atalanta" Italiya chempionati turnir jadvalida uchinchi o‘rinni saqlab turibdi.
