Консейсау "Милан"нинг "Аталанта"дан учралган мағлубиятидан сўнг ўз фикрларини билдириб ўтди.
А Сериянинг 32-турида “россонерилар” 0:1 ҳисобида имкониятни бой беришди.
Жамоа сўнгги 5 учрашувнинг атиги 1 тасида ғалаба қозонган ва А Серияда 9-ўринни эгаллаб турибди.
"Биринчи бўлим мувозанатли ўтди, "Аталанта" тўпга кўпроқ эга бўлди, биз ўйинчилар талаб қилганидан бироз чуқурроқ ўйнадик, аммо биз ҳеч қандай босим ёки шунга ўхшаш нарсаларни ҳис қилмадик.
Мен бу ҳафта захирадан майдонга тушган футболчилар бизга қўшимча афзаллик беришини айтдим, лекин бугун бундай бўлмади. Ростини айтсам, бизда одатда кўрсатадиган тажовузкорлик етишмади, айниқса, ўринбосар сифатида майдонга тушганларда", - деди "Милан" бош мураббийи.
