Мадриднинг "Реал" клуби дарвозабони Тибо Куртуа жамоанинг яқинлашиб келаётган ўйинлари ҳақида фикр билдирди.
23 апрель куни Карло Анчелотти жамоаси Ла Лига доирасида "Хетафе" меҳмони бўлади, уч кун ўтиб эса Испания кубоги финалида "Барселона" билан тўқнаш келади.
"Хетафе" билан меҳмондаги ўйинлар ҳар доим ҳам биз учун осон кечмайди. Бу дерби ва биз пойгада қолиш учун ғалаба қозонишимиз керак. Кейин Испания кубоги финали бўлиб ўтади, у ерда ҳам ғалаба қозониб, мухлисларимизга қувонч улашмоқчимиз," - дея Куртуанинг жавобини келтиради Madrid Universal.













