Трент Александр-Арнольд "Ливерпуль"нинг яқинлашиб келаётган чемпионлиги ҳақида гапирди.
Мерсисайдликлар АПЛнинг 33-турида "Лестер" меҳмони бўлиб, 1:0 ҳисобида ғалаба қозонди. Ғалаба тўпини захирадан майдонга тушган Трент киритди.
"Ҳа, шубҳасиз, бу "Ливерпуль" либосидаги энг яхши лаҳзалардан бири эди. Бу стадионда бир-иккита гол урганман. Ҳозир чемпионликка жуда яқинмиз, бундан ташқари, бу жароҳатдан кейинги биринчи ўйиним эди - шунинг учун ўйин мен учун жуда муҳим эди.
Бу менинг чап оёғимдан урган биринчи голим эканига деярли аминман. Бир неча йил керак бўлди, лекин охир-оқибат уддаланди. Эҳтимол, бу менга етишмаётган гол туридир, лекин мен уни қулай вазият учун сақлаб қўйгандим.
Биз муваффақиятга жуда яқинмиз - фақат битта ғалаба қолди. Ва буни амалга ошириш, айниқса, мухлисларимизнинг қўллаб-қувватлаши билан, ҳақиқатан ҳам ўзига хос лаҳзадир," - деди "Ливерпуль" ҳимоячиси Sky Sports'га берган интервьюсида.
