Мавсумни "Страсбург"да ижарада ўтказаётган "Челси" ярим ҳимоячиси Андрей Сантосга "Бавария" қизиқиш билдирмоқда.
20 ёшли футболчи Францияда ажойиб ўйин кўрсатмоқда, шу сабабли унга аллақачон топ-клублар эътибор қаратишган. Журналист Саймон Стоунснинг ёзишича, бразилиялик футболчининг муваффақиятларини "Бавария" кузатиб бормоқда. Шунингдек, Сантосга даъвогарлар орасида "Милан" ҳам бор, аммо мюнхенликлар, манбага кўра, аниқроқ қизиқиш билдирмоқда.
Ёзда хавбек "Челси"га қайтади ва у ерда мавсумолди ўйинларини ўтказиши кутилмоқда. Шундан сўнг "кўклар" раҳбарияти футболчининг кейинги истиқболлари борасида бир қарорга келади.
Transfermarkt портали Андрей Сантоснинг нархини 25 млн еврога баҳоламоқда.
