Ярим ҳимоячи Феде Вальверде "Реал Мадрид"нинг "Атлетик Бильбао"га қарши ўйинда ғалаба голини киритди. Учрашувдан сўнг уругвайлик ўз ҳис-туйғулари билан ўртоқлашди.

"Бу ақл бовар қилмайдиган нарса. Мен бутун жамоанинг саъй-ҳаракатларидан жуда хурсандман ва ғурурланаман. Бундан ташқари, кечаги воқеаларга қарамай, стадионга келиб, бизни қўллаб-қувватлаган мухлислардан жуда миннатдорман. Биз футболчилар ва жамоа, гарчи ҳаммаси биз хоҳлагандек бўлмаса ҳам, сизнинг қўллаб-қувватлаганингиз ва севгингиз учун чин дилдан миннатдормиз.

Гол урганимда кўп ўйламадим. Баъзан мен кўп ўйлайман, шубҳаланишни бошлайман, бошқа вариантларни кўриб чиқаман. Бу сафар шунчаки зарба бердим", - дейди Вальверде.

Жорий мавсум уругвайлик футболчи “Реал” сафида барча турнирларда 51 та ўйинда майдонга тушиб, 9 та гол ва 8 та голли узатмага муаллифлик қилган.