Yarim himoyachi Fede Valverde "Real Madrid"ning "Atletik Bilbao"ga qarshi o‘yinda g‘alaba golini kiritdi. Uchrashuvdan so‘ng urugvaylik o‘z his-tuyg‘ulari bilan o‘rtoqlashdi.

"Bu aql bovar qilmaydigan narsa. Men butun jamoaning sa’y-harakatlaridan juda xursandman va g‘ururlanaman. Bundan tashqari, kechagi voqealarga qaramay, stadionga kelib, bizni qo‘llab-quvvatlagan muxlislardan juda minnatdorman. Biz futbolchilar va jamoa, garchi hammasi biz xohlagandek bo‘lmasa ham, sizning qo‘llab-quvvatlaganingiz va sevgingiz uchun chin dildan minnatdormiz.

Gol urganimda ko‘p o‘ylamadim. Ba’zan men ko‘p o‘ylayman, shubhalanishni boshlayman, boshqa variantlarni ko‘rib chiqaman. Bu safar shunchaki zarba berdim", - deydi Valverde.

Joriy mavsum urugvaylik futbolchi “Real” safida barcha turnirlarda 51 ta o‘yinda maydonga tushib, 9 ta gol va 8 ta golli uzatmaga mualliflik qilgan.