Италиянинг "Милан," шунингдек, Мадриднинг "Реал" клуби собиқ устози Фабио Капелло ҳозирда Мадрид клубини бошқараётган ҳамюрти Карло Анчелоттининг ҳолати ҳақида ўз фикрларини билдирди.
У "Реал"нинг сўнгги муваффақиятсизликларига қарамай, "қаймоқранглилар" мураббийни истеъфога чиқармаслигига умид билдирди:
"Карло - дунёдаги энг муваффақиятли мураббий, аммо у ҳам "Реал"нинг муаммоларини ҳал қила олмайди. Бу йил кўп нарса нотўғри кетди, футболчиларнинг жароҳатлари, Крооснинг йўқлиги. Буларнинг ҳаммаси кўзга ташланиб турарди. Умид қиламанки, клуб раҳбарияти Карлони ишдан бўшатмайди - Карлонинг ўзи "Реал"га қандай ҳурмат кўрсатса, унга ҳам шундай ҳурмат кўрсатади," - дея Капеллонинг сўзларини келтиради pianetamilan.it.
