Португалия терма жамоасининг собиқ футболчиси Луиш Фигу "Барселона"нинг 17 ёшли вингери Ламин Ямалнинг ўйинлари ҳақида гапирди.

"У нафақат истеъдодли ва маҳоратли футболчи – мени унинг характери, етуклиги ҳайратга солмоқда. Бундай ёш учун бу ажойиб. Эҳтимол, кўпинча ёш бўлганингда, сен ҳали масъулият ҳақида ўйламайсан, шунчаки футбол ўйнайсан, лекин Ямалнинг бу ўзига хос хусусияти мени жуда ажаблантирмоқда. Муҳим ўйинларда қандай ўйнаш кераклигининг идеал намунаси", — дея Фигунинг сўзларини Barca Universal келтиради.

Жорий мавсумда Ламин Ямаль барча турнирларда 46 та учрашувда майдонга тушиб, 14 та гол ва 22 та голли узатмани амалга оширди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган.