Футбол агенти Андре Кюри Испаниянинг “Барселона” клуби трансферлари ҳақида гапирди.

"Дембеле, Коутиньо ва Гризманн клубга тахминан 450 миллион еврога тушди. Неймар 222 миллионга сотилди. Агар бу учликнинг ойлик тўловларига эътибор қаратсангиз, Неймарнинг маошини кўтариш оқилона иш бўларди", - дея агентнинг сўзларини келтиради AS нашри.

Кюри, шунингдек, "Барселона" ўз футболчиларини сотишдан муносиб даромад олишга ҳаракат қилмаётганидан шикоят қилиб, "Атлетико Мадрид"га кетганидан кейин ҳам каталонияликлардан тўлов олган Суаресни мисол қилиб келтирди.

Transfermarkt маълумотларига кўра, "Барселона" сўнгги 10 мавсум давомида ўйинчиларни харид қилиш учун 1,43 миллиард евро сарфлаган.