Криштиану Роналду тарихдаги энг кўп даромад олган футболчи деб эътироф этилди.

"Sportico" портали 2024 йил охири ҳолатига кўра инфляцияни ҳисобга олган ҳолда энг юқори даромад олган 50 та спортчи рейтингини тузди. Рўйхатга 16 та мамлакатдан 8 хил спорт тури вакиллари киритилган. Рейтингда биринчи ўринни баскетболчи Майкл Жордан эгаллади — у фаолияти давомида топган даромади 4,15 миллиард долларга тенг дея баҳоланди.

Тарихдаги энг юқори маошли футболчи сифатида Криштиану Роналду тан олинди — у умумий рўйхатда 3-ўринни эгаллади. Унинг инфляцияни ҳисобга олган ҳолдаги даромади 2,23 миллиард долларни ташкил этди.

Рўйхатга жами 4 нафар футболчи кирган:

1 (3). Криштиану Роналду — 2,23 миллиард доллар;  
2 (5). Лионель Месси — 1,85 миллиард;  
3 (8). Дэвид Бекхэм — 1,61 миллиард;  
4 (14). Неймар — 1,17 миллиард.