Португалия терма жамоаси ва Мадриднинг "Реал" клубининг собиқ футболчиси Луиш Фигу Криштиану Роналдунинг 2026 йилги жаҳон чемпионатида иштирок этиш учун терма жамоага чақирилиши кутилаётганига изоҳ берди.

"У [жаҳон чемпионатида] асосий ўйинчи бўлиши мумкин. Ўйлайманки, биз кутамиз ва кузатамиз керак. Лекин Криштиану дунё учун ўрнак — у ҳар доим ҳамма учун очиқ, профессионал ва иқтидорли футболчи.

Шунингдек, у ҳар доим гол ура олади, деб ўйлайман. Ҳатто 40 ёшда ҳам, 42 ёшда ҳам у барибир гол уради. Бу голлар ҳал қилувчи бўладими ёки йўқ — билмадим, кутамиз ва кўрамиз. Биз, португаллар, улар доим ҳал қилувчи бўлади, деб умид қиламиз”, – дея Луиш Фигу сўзларини келтиради GOAL.

Криштиану Роналду миллий термалар тарихидаги энг яхши тўпурар ҳисобланади — у Португалия термаси сафида 136 та гол урган. Ҳозирда 40 ёшли ҳужумчи Саудия Арабистонининг “Ан-Наср” клубида тўп сурмоқда. Жорий мавсумда Роналду клуб даражасида барча мусобақаларда 36 та ўйинда иштирок этган ва 32 та гол урган.