"Барселона" "Мальорка" дарвозасига ақл бовар қилмайдиган 40 та зарба йўллади, аммо атиги бир марта гол урди. Дарвоқе, бу ғалаба учун етарли эди. Голга ярим ҳимоячи Дани Ольмо муаллифлик қилди.
"Кўк-анорранглилар" маълумот тўплашнинг бутун даври (2003/04 йилги мавсумдан бери) давомида бир ўйинда энг кўп зарба бериш бўйича Ла Лига рекордини такрорлади, дея хабар беради OPta. Бунгача ягона рекордчи Мадриднинг 2011 йилги "Реал" клуби бўлиб, у "Сарагоса" билан ўйинда худди шу кўрсаткични қайд этганди.
Эътиборлиси, бунга жавобан "Мальорка" Войцех Шесни дарвозасига атиги 4 та зарба йўллади. Каталония грандининг аниқ зарбалар бўйича устунлиги ҳам ҳайратланарли - 13:0.
