Винисиус Жуниор "Реал" билан шартномасини 2030 йилнинг июнигача узайтиришга яқин турибди.
Бу ҳақда Cadena SER нашрига таяниб Marca хабар берди.
Манбага кўра, Бразилия терма жамоасининг 24 ёшли вингерининг Мадрид клубидаги молиявий аҳволи яхшиланади.
Винисиуснинг "Реал" билан амалдаги шартномаси 2027 йилнинг июнигача амал қилади.
Қайд этилишича, футболчининг клуб билан муносабатлари шу қадар яхшики, жорий мавсум тугагунга қадар шартноманинг молиявий томонлари янада яхшиланади.
Мавсумдаги 46 та ўйинда "Реал" учун барча турнирларда Винисиус 20 гол урган ва 14 голга ассистентлик қилган.
