"Манчестер Сити" ярим ҳимоячиси Илкай Гюндоган янги мавсумда қаерда ўйнашни исташини ҳал қилди.
Журналист Флориан Плеттенбергнинг таъкидлашича, айни дамда 34 ёшли футболчи фаолиятини якунлаш ёки ёзги трансфер ойнасида "Манчестер Сити"ни тарк этишни режалаштирмаяпти. Манбага кўра, Гюндоган бошқа жамоалардан кўплаб фойдали таклифлар бўлаётганига қарамай, "шаҳарликлар" билан шартномасини тўлиқ ишлаб чиқмоқчи.
Гюндоган жорий мавсумда барча турнирларда 45 та учрашувда қатнашиб, иккита гол урди ва бешта голли узатмани ўз ҳисобига ёздириб қўйди.
