"Вулверхэмптон"нинг бразилиялик форварди Матеус Кунья "Манчестер Юнайтед"га ўтишга яқин турибди. Бу ҳақда журналист Николо Скира хабар бермоқда.
Манбанинг таъкидлашича, томонлар 2030 йилгача мўлжалланган меҳнат шартномасини аллақачон келишиб олган. Шу билан бирга, қайд этилишича, шартномага 2031 йилгача узайтириш имконияти киритилиши мумкин.
Англия Премьер-лигасининг жорий мавсуми доирасида Кунья 28 та учрашувда майдонга тушиб, 14 марта рақиблар дарвозасини ишғол этишга муваффақ бўлди. Бундан ташқари, бразилиялик ҳужумчи ҳисобида 4 та ассист мавжуд.
