"Vulverxempton"ning braziliyalik forvardi Mateus Kunya "Manchester Yunayted"ga o‘tishga yaqin turibdi. Bu haqda jurnalist Nikolo Skira xabar bermoqda.

Manbaning ta’kidlashicha, tomonlar 2030 yilgacha mo‘ljallangan mehnat shartnomasini allaqachon kelishib olgan. Shu bilan birga, qayd etilishicha, shartnomaga 2031 yilgacha uzaytirish imkoniyati kiritilishi mumkin.

Angliya Premyer-ligasining joriy mavsumi doirasida Kunya 28 ta uchrashuvda maydonga tushib, 14 marta raqiblar darvozasini ishg‘ol etishga muvaffaq bo‘ldi. Bundan tashqari, braziliyalik hujumchi hisobida 4 ta assist mavjud.