Нико Шлоттербекнинг жароҳати туфайли "Боруссия" ёзда клублар ўртасидаги жаҳон чемпионати учун қўшимча марказий ҳимоячига эҳтиёж сезмоқда. Аммо Матс Хуммельснинг қайтиши тўлиқ футболчининг ўзига боғлиқ. Bild хабарига кўра, дортмундликлар 36 ёшли ҳимоячи билан алоқа ўрнатган, аммо унга расмий таклиф билдиришгани ҳозирча номаълум.
Немис нашри Хуммельс ёздаёқ майдонга қайтиши мумкинлигини истисно қилмаяпти, аммо футболчининг ўзи ҳам фаолиятида узоқ танаффусга мойиллик билдираётганини таъкидламоқда. Яқинда жорий мавсум якунида фаолиятини якунлашини эълон қилган Хуммельс ўз келажаги ҳақида ўйлаш учун тўлиқ бир календарь йил бермоқчи.
Шунингдек, Bild "Боруссия" Хуммельсга клубда маъмурий лавозим таклиф қилиш ёки мураббийлик фаолиятини бошлашга ёрдам беришдан манфаатдор эканини таъкидламоқда. Шу билан бирга, Дортмунд раҳбариятининг узоқ йиллик муаммолари ва Хуммельснинг тўғридан-тўғри танқидларини ҳисобга олсак, воқеаларнинг бундай ривожланиши даргумон кўринади. Нима бўлганда ҳам, эшиклар очиқ қолади - Хуммельс қайси мақомда қайтишни ўзи танлаши мумкин.
Эслатиб ўтамиз, ушбу мавсумда германиялик футболчи "Рома" сафида барча мусобақаларда 19 та ўйинда 1 та гол урган.
