Ла Лига президенти Хавьер Тебас Мадриднинг "Реал" клуби махфийлик бузилгани ҳақидаги шикоятидан кейин лавозимидан четлатилиши мумкинлигидан хавотирда эмаслигини айтди.
"Йўқ, мен бу ҳақда ташвишланаётганим йўқ. Санкцияларга дучор бўламан деб ўйламайман. Мени кўпроқ TAD'га шикоятларнинг келиб тушиш шакли ташвишга солмоқда. Мажлисларнинг нотўғри баённомалари ва бошқа шунга ўхшаш нарсалар", деди Тебас.
Эслатиб ўтамиз, "Реал" Спорт бўйича маъмурий трибуналга (TAD) шикоят билан мурожаат қилган ва Олий спорт қўмитасининг собиқ раиси Мигель Анхель Галан агар Тебас айбига иқрор бўлса, унинг четлатилиши эҳтимоли юқорилигини айтганди.
