Ҳужумчи Матис Тель "Бавария"дан "Тоттенхэм"га доимий асосда ўтиши мумкин.

Февраль ойида "шпорлар" франциялик футболчини 50 млн еврога сотиб олиш имконияти билан жорий мавсум охиригача ижарага олганди. Лондонликлар ҳужумчи учун бунча пул тўлашга иккиланмоқда, аммо "Бавария" келишишга тайёр: Kicker хабарига кўра, мюнхенликлар талабни камайтиришга рози ва музокараларни кутмоқда. Германия гранди раҳбарияти 19 ёшли футболчини яқинлашиб келаётган трансферлар даврида сотиб юборишга умид қилмоқда.

Матис Тель "Тоттенхэм" сафида 13 та ўйинда майдонга тушиб, 3 та гол урган. Transfermarkt портали футболчининг нархини 40 млн еврога баҳоламоқда.