Hujumchi Matis Tel "Bavariya"dan "Tottenxem"ga doimiy asosda o‘tishi mumkin.
Fevral oyida "shporlar" fransiyalik futbolchini 50 mln yevroga sotib olish imkoniyati bilan joriy mavsum oxirigacha ijaraga olgandi. Londonliklar hujumchi uchun buncha pul to‘lashga ikkilanmoqda, ammo "Bavariya" kelishishga tayyor: Kicker xabariga ko‘ra, myunxenliklar talabni kamaytirishga rozi va muzokaralarni kutmoqda. Germaniya grandi rahbariyati 19 yoshli futbolchini yaqinlashib kelayotgan transferlar davrida sotib yuborishga umid qilmoqda.
Matis Tel "Tottenxem" safida 13 ta o‘yinda maydonga tushib, 3 ta gol urgan. Transfermarkt portali futbolchining narxini 40 mln yevroga baholamoqda.













