"Интер" бош мураббийи Симоне Индзаги кубок дербисидаги муваффақиятсизликдан сўнг жамоанинг ҳолати ҳақида гапирди.
Чоршанба куни “нерадзуррилар” Италия кубоги ярим финалида “Милан”га имкониятни бой бериб (0:3) требл ютиш имкониятидан маҳрум бўлди. Бироз аввалроқ А Серияда "Болонья"дан мағлуб (0:1) бўлганди, бунинг натижасида жамоа чемпионатнинг якка пешқадами мақомини йўқотди.
"Келинг, чарчоқ ҳақида гапиришни бас қилайлик - бу бефойда. Якшанба куни Дюмфрис, Зиелински ва Тюрам "Рома"га қарши ўйнай оладими ёки йўқми, билмайман. Бундан буён биз учун ҳар бир ўйин жаҳон чемпионати финалидек бўлади", - дея Индзаги сўзларини келтиради "Интер" матбуот хизмати.
