Саудия Арабистонининг “Ал-Ҳилол” клуби ёзда “Галатасарой”да ижара асосида тўп тепаётган “Наполи” ҳужумчиси Виктор Осимхенни мақсад қилган.
Бу ҳақда журналист Бен Жейкобсга таяниб, Goal.com хабар берди.
Манбага кўра, Саудия клуби "Ливерпуль" ҳужумчиси Муҳаммад Салоҳни мақсад қилганди, бироқ мисрлик футболчи "Ал-Ҳилол"нинг таклифини рад этган ва мерсисайдликлар билан янги шартнома имзолаган.
Энди Саудия клуби клублар ўртасидаги жаҳон чемпионати олдидан таркибини кучайтириш учун янги юлдуз ҳужумчи қидирмоқда.
Журналистнинг сўзларига кўра, “Ал-Ҳилол” Осимхенни сотиб олишни режалаштирган.
