"Галатасарой" сафида ижара асосида тўп тепаётган марказий ҳужумчи Альваро Мората Италияга қайтиши мумкин.
32 ёшли испаниялик футболчи жорий йилнинг февраль ойида турк жамоаси томонидан "Милан"дан ижарага олинганди. Томонлар ўртасидаги келишув 2026 йилнинг январигача мўлжалланган.
A Bola нашрига маълум бўлишича, Мората жорий мавсум якунлангач, "Милан" қароргоҳига қайтиши мумкин. Аввалроқ, ҳужумчининг хизматларига Испаниянинг "Хетафе" клуби қизиқиш билдираётгани ҳақида хабарлар тарқалган эди.
Туркияда Мората барча турнирларда ўнта учрашувда қатнашиб, учта гол урди ва битта голли узатмани амалга оширди.













