"Арсенал" ярим ҳимоячи Томас Парти билан шартномани узайтириш борасида музокаралар олиб бормоқда. Бу ҳақда таниқли журналист Дэвид Орнштейн маълум қилди.
Қайд этилишича, Парти Лондонда бахтли ва "Арсенал"да қолишга тайёр. Унинг "канонирлар" билан амалдаги шартномаси июнь ойи охиригача мўлжалланган, яъни бир неча ойдан сўнг ганалик футболчи янги шартнома имзоланмаса, эркин агент мақомига эга бўлиши мумкин.
Парти "Арсенал"да "Атлетико"дан трансфер қилинганидан кейин 2020 йил октябрь ойидан бери ўйнаб келмоқда. Айтиш керакки, нуфузли "Transfermarkt" портали 31 ёшли футболчини 15 миллион еврога баҳоламоқда.
