"Ньюкасл" ярим ҳимоячиси Сандро Тонали Италия А Сериясига қайтиши мумкин.
24 ёшли футболчи "кекса синьора"нинг яқинлашиб келаётган трансфер ойнасидаги асосий мақсадларидан бири ҳисобланади. TUTTOmercatoWEB хабарига кўра, Тоналининг агенти Турин грандининг яқинда "Парма"га қарши ўтказган ўйинида иштирок этган. "Ювентус" италиялик футболчининг юқори нархи туфайли трансферни амалга ошириши осон бўлмайди, бироқ томонлар келишув устида ишлашда давом этмоқда, дея таъкидлайди манба.
Сандро Тонали 2023 йилнинг ёзида "Милан"дан деярли 60 миллион евро эвазига "Ньюкасл"га ўтганди. Transfermarkt талқинига кўра, хавбекнинг айни дамдаги нархи 45 млн еврони ташкил қилмоқда.













