"Бунёдкор" – "Максам Чирчиқ" (1:1) жамоалари учрашувидан кейин тошкентликлар устозининг ўйин ҳақидаги фикрларини сўрадик.

"Бугун курашларга бой ўйин бўлди, деб ўйлайман. Мухлисларга ҳам ёқадиган ҳужумкор футболни кўрдик. Шуниси эътиборлики, худди биринчи даврада Фарғонада бўлгани каби бу сафар ҳам ҳисобни очиб, ўйин тугаши арафасида гол ўтказиб юбордик. Бунга ўзимиз айбдормиз. Ҳисобни очгандан кейин ҳам камида икки уч марта юз фоизлик имкониятларни кўкка совурдик. Рақибларимиз эса бундан руҳланиб, устунликни қўлга олишди. Ҳисобни тенглаштиришгандан сўнг ҳам чирчиқликларда гол киритиш имконияти бўлди. Ҳатто бугун ютқазиб қўйишимиз ҳам мумкин эди. Плей-оффга чиқиш учун учта жамоанинг имкониятлари тенг деб ўйлайман. Бу ёғига ҳам ҳар бир ўйин биз учун финалдек ўтади. Имконият бор экан, ҳаракатдан тўхтамаймиз, охиригача курашамиз" - деди Бўриев.