"Bunyodkor" – "Maksam Chirchiq" (1:1) jamoalari uchrashuvidan keyin toshkentliklar ustozining o‘yin haqidagi fikrlarini so‘radik.
"Bugun kurashlarga boy o‘yin bo‘ldi, deb o‘ylayman. Muxlislarga ham yoqadigan hujumkor futbolni ko‘rdik. Shunisi e’tiborliki, xuddi birinchi davrada Farg‘onada bo‘lgani kabi bu safar ham hisobni ochib, o‘yin tugashi arafasida gol o‘tkazib yubordik. Bunga o‘zimiz aybdormiz. Hisobni ochgandan keyin ham kamida ikki uch marta yuz foizlik imkoniyatlarni ko‘kka sovurdik. Raqiblarimiz esa bundan ruhlanib, ustunlikni qo‘lga olishdi. Hisobni tenglashtirishgandan so‘ng ham chirchiqliklarda gol kiritish imkoniyati bo‘ldi. Hatto bugun yutqazib qo‘yishimiz ham mumkin edi. Pley-offga chiqish uchun uchta jamoaning imkoniyatlari teng deb o‘ylayman. Bu yog‘iga ham har bir o‘yin biz uchun finaldek o‘tadi. Imkoniyat bor ekan, harakatdan to‘xtamaymiz, oxirigacha kurashamiz" - dedi Bo‘riyev.
