"Наполи" бош мураббийи Антонио Конте клуб раҳбариятига ҳимоя чизиғини кучайтириш истагини билдирди. Бу ҳақда Calciomercato нашри хабар бермоқда.

Контега Кони де Винтер ("Женоа"), Умар Соле ("Удинезе") ва Сэм Бёкема ("Болонья") каби марказий ҳимоячилар ёқди. Манбага кўра, клубда ушбу учликдан кимнидир қўлга киритиш бўйича ишлар олиб борилмоқда. Устувор ва шу билан бирга энг мураккаби Бёкема бўйича таклифдир.

Эслатиб ўтамиз, "Наполи" "Эмполи"дан Лука Мариануччи учун 10 миллион евро бериб бўлган, аммо 20 ёшли футболчи ҳозирча асосий таркиб футболчиси сифатида кўрилмаяпти.