2020-2021 йилларда Испаниянинг "Барселона" клубида бош мураббий сифатида фаолият олиб борган нидерландиялик мутахассис Рональд Куман ўз фаолиятига баҳо берди.
Куман бир қатор муаммоларга қарамай, жамоада ўтказган вақти унда фақат ижобий ҳис-туйғуларни уйғотишини айтди.
"Мен баъзи нарсаларни ўзгартира олдим ва бугунги кунда клубда муҳим роль ўйнаётган ёш футболчилар - Педри, Гави ва Бальде кабиларга имконият бердим," - дея Куманнинг сўзларини келтиради Marca.
Шунингдек, Куман Испания терма жамоасигача ўсган Оскар Мингеса ва "Манчестер Сити"га кўчиб ўтган Нико Гонсалесни ҳам эътироф этди.
Ҳозирда Рональд Куман Нидерландия терма жамоасида ишламоқда.
