Якшанба куни Англия Премьер-лигасида "Ливерпуль" - "Тоттенхэм" учрашуви бўлиб ўтади. Мерсисайдликлар Англия чемпионлигини расмийлаштириш учун бир очко тўплаши кифоя.
Айтиш керакки, "шпорлар"га "Энфилд"да жамоа сардори - ҳужумчи Сон Хён Мин ёрдам бера олмайди. Бу ҳақда Лондон жамоаси бош мураббийи Анге Постекоглу маълум қилди.
"Бизда жароҳатлар билан боғлиқ битта муаммо бор. Сонни тўлиқ тикланишга улгурмади. Унинг аҳволи яхшиланмоқда, бу биз учун яхши, аммо якшанба куни у тайёр бўлмайди," - деди Постекоглу журналистларга.
Сон "Тоттенхэм"нинг сўнгги учта ўйинини ўтказиб юборди.
