"Челси" ёзги трансферлар ойнаси яқинлашаётганини инобатга олиб, таркибни кучайтириш устида иш олиб бормоқда. Журналист Саймон Филлипснинг маълум қилишича, яқинда Лондон клуби "Милан" ҳужумчиси Рафаэль Леаунинг агенти билан гаплашган.
Қайд этилишича, ҳозирча "Челси" аниқ чоралар кўрмасдан, эҳтимолий битим нархини ўрганмоқда холос.
Рафаэль Леау июнь ойида 25 ёшга тўлади. Португалияликнинг "Милан" билан амалдаги шартномаси 2028 йилнинг ярмигача мўлжалланган. Нуфузли Transfermarkt портали мутахассислари Леауни 75 миллион еврога баҳоламоқда.













