"Манчестер Юнайтед" бош мураббийи Рубен Аморим клубнинг айни дамда ижарада бўлиб турган футболчилари ҳолати ҳақида гапирди.
"Ҳозирда ижарада бўлган барча футболчилар қайтади, кейин клуб нима қилишни ҳал қилади. Ўйинчи ижарага кетганда, у қила оладиган энг яхши нарса - ўзини кўрсатиш. Бу ўйинчиларнинг барчасида истеъдод бор, ундан фойдаланиш керак. Рэшфордда истеъдод бор, Антонида истеъдод бор, ҳаммасида истеъдод бор. Футболчиларни ижарага берар эканмиз, улар ўзини кўрсатишини истаймиз. Бу биз учун яхши," - деди Аморим матбуот анжуманида.
"Манчестер Юнайтед" кейинги ўйинини 27 апрель куни "Борнмут"га қарши ўтказади.
