Сантильяна Карло Анчелоттининг келажаги ҳақида ўз фикри билан ўртоқлашди.
72 ёшли испаниялик мутахассис "Реал Мадрид" бош мураббийини барча совринларда ғалаба қозонганлигини айтиб, уни ҳурматга лойиқ деб атади.
"Испанияда сабр-тоқат қилишмайди. "Реал" Чемпионлар Лигасидан чиқиб кетганидан сўнг мухлислар учун дунё қулагандек бўлди.
Ҳозир улар ғалаба қозониши мумкин бўлган чемпионлик фақатгина Испания кубогидир ва Ла Лигада ғалаба қозониш учун кураш қийин кечади. Бу вазифа ҳали ҳам қийин, аммо вазият бир ўйинда ўзгариши мумкин.
Мен Анчелоттини мураббий сифатида яхши кўраман. У кийиниш хонасини жуда яхши бошқарадиган жуда яхши инсон.
Агар мавсум сўнгига қадар иккита чемпионлик қўлга киритилса, ҳамманинг фикри қандай ўзгарганини кўрасиз", - деди "Реал"нинг собиқ ҳужумчиси.
