Santilyana Karlo Anchelottining kelajagi haqida o‘z fikri bilan o‘rtoqlashdi.

72 yoshli ispaniyalik mutaxassis "Real Madrid" bosh murabbiyini barcha sovrinlarda g‘alaba qozonganligini aytib, uni hurmatga loyiq deb atadi.

"Ispaniyada sabr-toqat qilishmaydi. "Real" Chempionlar Ligasidan chiqib ketganidan so‘ng muxlislar uchun dunyo qulagandek bo‘ldi.

Hozir ular g‘alaba qozonishi mumkin bo‘lgan chempionlik faqatgina Ispaniya kubogidir va La Ligada g‘alaba qozonish uchun kurash qiyin kechadi. Bu vazifa hali ham qiyin, ammo vaziyat bir o‘yinda o‘zgarishi mumkin.

Men Anchelottini murabbiy sifatida yaxshi ko‘raman. U kiyinish xonasini juda yaxshi boshqaradigan juda yaxshi inson.

Agar mavsum so‘ngiga qadar ikkita chempionlik qo‘lga kiritilsa, hammaning fikri qanday o‘zgarganini ko‘rasiz", - dedi "Real"ning sobiq hujumchisi.