Январь ойида "Лион" Пьер Сажени ишдан бўшатиб, унинг ўрнига "Милан"ни бошқарган Пауло Фонсекани таклиф қилди.
Бироқ, француз клуби аввалги мураббий билан молиявий муаммоларни ҳал қилишга ҳеч қачон эриша олмади.
Le Progres хабарига кўра, "Лион" собиқ мураббийига ҳалигача молиявий товон тўламаган.
Бу ҳақда унинг ўзи жамоатчиликка маълум қилди.
"Мен мураббийликка қайтишни истардим. Англия чемпионатида ўзимни синаб кўришни орзу қиламан.
Бу энг яхши чемпионат ва футбол учун энг яхши мамлакат. Ҳатто иккинчи лига ҳам. Мен учун "Лион" билан ажралиш осон бўлмади, чунки мен бу клуб ва ўз она шаҳрим вакили бўлишни хоҳлардим.
Лекин менга клуб пул тўламади", – деди Саже.
