ФИФА президенти Жанни Инфантино Рим папаси Францискнинг дафн маросимида нутқ сўзлади.
26 апрель куни Рим папаси Францискнинг дафн маросими Авлиё Пётр майдонида бўлиб ўтди. ФИФА президенти тадбирда ҳозир бўлиб, сентябрь ойида Франциск хотирасига жаҳон футболи афсоналари иштирокида хайрия учрашуви ўтказилишини маълум қилди.
“Бир неча ой олдин бўлиб ўтган сўнгги учрашувимизда футбол афсоналари билан болалар ўртасида ўйин ташкил этиш ҳақида гаплашган эдик.
Рим папаси футболга бўлган муҳаббатини, ёшлар ўртасида бирдамлик ғояларини тарғиб қилмоқчи эди.
Биз сентябрь ойида ўйин ўтказиш ҳақида ўйлагандик, энди буни албатта унинг хотирасига бағишлаб, дунёнинг энг яхши футболчиларини йиғиб ўтказамиз.
Франциск ва футбол ўртасида алоҳида боғлиқлик бор эди. У бу ўйиннинг ашаддий мухлиси эди. Ҳиссиётлар ақл бовар қилмас даражада эди. Бу ерга бутун дунёдан одамлар, оддий диндорлар ҳам, дунё етакчилари ҳам йиғилган, уларни Рим папаси Франциск бирлаштирган", – деди Инфантино.
