FIFA prezidenti Janni Infantino Rim papasi Fransiskning dafn marosimida nutq so‘zladi.
26 aprel kuni Rim papasi Fransiskning dafn marosimi Avliyo Pyotr maydonida bo‘lib o‘tdi. FIFA prezidenti tadbirda hozir bo‘lib, sentyabr oyida Fransisk xotirasiga jahon futboli afsonalari ishtirokida xayriya uchrashuvi o‘tkazilishini ma’lum qildi.
“Bir necha oy oldin bo‘lib o‘tgan so‘nggi uchrashuvimizda futbol afsonalari bilan bolalar o‘rtasida o‘yin tashkil etish haqida gaplashgan edik.
Rim papasi futbolga bo‘lgan muhabbatini, yoshlar o‘rtasida birdamlik g‘oyalarini targ‘ib qilmoqchi edi.
Biz sentyabr oyida o‘yin o‘tkazish haqida o‘ylagandik, endi buni albatta uning xotirasiga bag‘ishlab, dunyoning eng yaxshi futbolchilarini yig‘ib o‘tkazamiz.
Fransisk va futbol o‘rtasida alohida bog‘liqlik bor edi. U bu o‘yinning ashaddiy muxlisi edi. Hissiyotlar aql bovar qilmas darajada edi. Bu yerga butun dunyodan odamlar, oddiy dindorlar ham, dunyo yetakchilari ham yig‘ilgan, ularni Rim papasi Fransisk birlashtirgan", – dedi Infantino.
