Италия чемпионатида 34-тур ўйинлари давом этмоқда ва Миланнинг "Интер" клуби бу турда мағлубиятга учраган бўлса, унинг асосий рақобатчиси "Наполи" "Торино" дарвозасига жавобсиз иккита тўп киритиб, якка пешқадамга айланди.
Неапол клуби ҳужумчиси Маттео Политано ўйин воқеаларига изоҳ берди. У ўзи гол ура олмаган бўлса-да, ўз ўйинидан мамнун.
"Биз жадвалда етакчилик қилиш учун ғалаба қозониш қанчалик муҳимлигини тушундик. Мен ўз ҳаракатларимдан ва ғалабага қўшган ҳиссамдан мамнунман. Энди биз келаси шанба куни Леччада ҳам ғалаба қозонишга мажбурмиз," - дея Политано сўзларини келтиради calcionapoli1926.it.
