Italiya chempionatida 34-tur o‘yinlari davom etmoqda va Milanning "Inter" klubi bu turda mag‘lubiyatga uchragan bo‘lsa, uning asosiy raqobatchisi "Napoli" "Torino" darvozasiga javobsiz ikkita to‘p kiritib, yakka peshqadamga aylandi.

Neapol klubi hujumchisi Matteo Politano o‘yin voqealariga izoh berdi. U o‘zi gol ura olmagan bo‘lsa-da, o‘z o‘yinidan mamnun.

"Biz jadvalda yetakchilik qilish uchun g‘alaba qozonish qanchalik muhimligini tushundik. Men o‘z harakatlarimdan va g‘alabaga qo‘shgan hissamdan mamnunman. Endi biz kelasi shanba kuni Lechchada ham g‘alaba qozonishga majburmiz," - deya Politano so‘zlarini keltiradi calcionapoli1926.it.