Мадриднинг "Реал" клуби ярим ҳимоячиси Арда Гюлер мавсумнинг қолган қисмида кўпроқ ўйин амалиётига эга бўлади.

20 ёшли футболчи "қаймоқранглилар" сафида таркибда доимий ўринга эга эмас, шу сабабли матбуотда унинг тез орада кетиши ҳақида тез-тез миш-мишлар тарқалмоқда. Relevo хабарига кўра, Гюлерга Ла Лиганинг қолган баҳсларида, шунингдек, ёзда бўлиб ўтадиган клублар ўртасидаги жаҳон чемпионати ўйинларида муҳим роль ишониб топширилади. Клубдагиларнинг фикрича, жамоада қайта қуришни ҳозирдан бошлаш керак ва ёш турк янги "Реал"нинг асосий фигураларидан бирига айланади.

Маълумотларга қараганда, май ойи охирида "қироллик клуби" бош мураббийи лавозимини Карло Анчелотти тарк этади.