Madridning "Real" klubi yarim himoyachisi Arda Gyuler mavsumning qolgan qismida ko‘proq o‘yin amaliyotiga ega bo‘ladi.

20 yoshli futbolchi "qaymoqranglilar" safida tarkibda doimiy o‘ringa ega emas, shu sababli matbuotda uning tez orada ketishi haqida tez-tez mish-mishlar tarqalmoqda. Relevo xabariga ko‘ra, Gyulerga La Liganing qolgan bahslarida, shuningdek, yozda bo‘lib o‘tadigan klublar o‘rtasidagi jahon chempionati o‘yinlarida muhim rol ishonib topshiriladi. Klubdagilarning fikricha, jamoada qayta qurishni hozirdan boshlash kerak va yosh turk yangi "Real"ning asosiy figuralaridan biriga aylanadi.

Ma’lumotlarga qaraganda, may oyi oxirida "qirollik klubi" bosh murabbiyi lavozimini Karlo Anchelotti tark etadi.