Англиянинг "Манчестер Юнайтед" клуби бош мураббийи Рубен Аморим ҳимоячи Люк Шоунинг "Атлетик Бильбао"га қарши ўйинда майдонга тушиши мумкинлиги ҳақида фикр билдирди. 1-май куни Европа Лигасининг биринчи ярим финал ўйини бўлиб ўтади.

Жароҳатлари туфайли майдонга туша олмаган Шоу узоқ вақтдан бери илк бор кеча жамоасининг Премьер-лига доирасидаги "Борнмут"га қарши ўйинида (1:1) майдонга тушди.

"У майдоннинг сўнгги учдан бир қисмида қандай ўйнашни билади, у ажойиб узатмага эга. Шунинг учун бизга Люк Шоу керак. Балки у таркибда "Атлетик"га қарши ўйинда бўлар, лекин асосий таркибда эмас. У билан эҳтиёткор бўлишимиз керак", - деди Аморим клуб матбуот хизматига.

Умуман олганда, Шоу жорий мавсумда барча турнирларда 6 та ўйин ўтказди.