Angliyaning "Manchester Yunayted" klubi bosh murabbiyi Ruben Amorim himoyachi Lyuk Shouning "Atletik Bilbao"ga qarshi o‘yinda maydonga tushishi mumkinligi haqida fikr bildirdi. 1-may kuni Yevropa Ligasining birinchi yarim final o‘yini bo‘lib o‘tadi.
Jarohatlari tufayli maydonga tusha olmagan Shou uzoq vaqtdan beri ilk bor kecha jamoasining Premyer-liga doirasidagi "Bornmut"ga qarshi o‘yinida (1:1) maydonga tushdi.
"U maydonning so‘nggi uchdan bir qismida qanday o‘ynashni biladi, u ajoyib uzatmaga ega. Shuning uchun bizga Lyuk Shou kerak. Balki u tarkibda "Atletik"ga qarshi o‘yinda bo‘lar, lekin asosiy tarkibda emas. U bilan ehtiyotkor bo‘lishimiz kerak", - dedi Amorim klub matbuot xizmatiga.
Umuman olganda, Shou joriy mavsumda barcha turnirlarda 6 ta o‘yin o‘tkazdi.
