WBC, WBA ва WBO камари соҳиби, оғир вазн тоифасидаги мағлубият серия қайд этиб келаётган украиналик боксчи Олександр Усик IBF чемпиони Даниэль Дюбуа билан реванш жангини 19 июль куни Лондондаги “Уэмбли” стадионида ўтказади. Ушбу жангда The Ring камари ҳам ўйналади.
Усик жанг анонсига муносабат билдириб шундай деди:
Яна мутлақ чемпионлик учун курашиш имкониятини бергани учун худога шукр. Дюбуа, менинг IBF камаримни вақтинча сақлаб турганинг учун раҳмат, энди уни қайтариб олмоқчиман, дея Олександрнинг сўзларини келтирмоқда vRINGe.com нашри.
Эслатиб ўтамиз, Усик ўзининг сўнгги жангини 2024 йил 22 декабрь куни Саудия Арабистонининг Ар-Риёд шаҳрида ўтказган эди. У британиялик Тайсон Фьюрига қарши рингга чиқиб, ҳакамларнинг қарори билан ғалаба қозонган.
Дюбуа эса ўзининг охирги жангини 2024 йил 22 сентябрь куни Лондонда ўтказди. У ҳамюрти Энтони Жошуа билан тўқнаш келиб, бешинчи раундда нокаут билан ғалаба қозонган эди.
Маълумот учун, Дюбуа ва Усик ўртасидаги биринчи жанг 2023 йилнинг 26 август санасида бўлиб ўтган. Мазкур баҳснинг 9-раундида укариналик спортчи рақибини техник нокаутга учратган.
