Лондоннинг “Арсенал” клуби ҳимоячиси Уильям Салиба ёзги трансфер ойнасида клубини ўзгартириши мумкин.
Marca хабарига кўра, 24 ёшли футболчининг хизматларига Мадриднинг "Реал" клуби қизиқиш билдирмоқда. Қайд этилишича, Мадрид клуби президенти Флорентино Перес ҳимоячини таркибни кучайтириш учун асосий мақсад сифатида белгилаган. Салиба ҳам испан грандларининг фаол қизиқишидан хабардор.
Жорий мавсумда франциялик футболчи Лондон клуби сафида барча турнирлар доирасида 46 та ўйин ўтказиб, 2 та гол урган.













